கோவையின் பாரம்பரியத்தை பறைசாற்றும் கோவை விழா : ஜனவரியில் துவக்கம்

கொரோனா - 2.0 புதுச்சேரி சென்னை கோயம்புத்தூர் நீலகிரி திருப்பூர் சேலம் மதுரை திருச்சிராப்பள்ளி தூத்துக்குடி கன்னியாகுமரி விழுப்புரம் வேலூர் ஜனவரி 2ல் கோவை விழா துவக்கம் : சின்னம் வெளியீடு..! Author: Udhayakumar Raman 2 December 2021, 6:46 pm Quick Share கோவை: 14வது கோவை விழா வரும் ஜனவரி மாதம் 2 ஆம் தேதி முதல் 9 ஆம் தேதி வரை நடைபெற உள்ள நிலையில், விழாவிற்கான முன்னோட்ட நிகழ்ச்சியாக, மேஸ்காட் எனப்படும் சின்னம் இன்று அறிமுகப்படுத்தப்பட்டது. கோவையின் பாரம்பரியத்தை பறைசாற்றும் விதமாகவும், கோவை மக்களிடையே, மாவட்டத்தின் பெருமைகளை, கலாச்சார நிகழ்வுகளை எடுத்துக்காட்டும் விதமாகவும், கடந்த 2009ம் ஆண்டு முதல் கோயம்புத்தூர் விழா என்ற நிகழ்ச்சி நடத்தப்பட்டு வருகிறது.ஜனவரி முதல் வாரத்தில் துவங்கி நடைபெறும் இந்நிகழ்வின் போது, பல்வேறு விதமான நிகழ்ச்சிகள் நாள் தோறும் நடத்தப்படுவது வழக்கம். 2020ம் ஆண்டு சிறப்பாக இந்நிகழ்ச்சி நடத்தப்பட்ட நிலையில் 2021ம் ஆண்டில் கொரோனா பெருந்தொற்று காரணமாக இந்நிகழ்ச்சி வர்ச்சுவல் எனப்படும் மெய்நிகர் நிகழ்ச்சியாக மட்டுமே நடத்தப்பட்டது. இந்நிலையில் தற்போது கொரோனா தொற்று கட்டுக்குள் இருப்பதால், இவ்வாண்டு சமூக இடைவெளியை கடைபிடிப்பதோடு, சிறப்பான முறையில் கொண்டாட விழாக்குழுவினர் முடிவு செய்துள்ளனர். இதன்படி 14வது ஆண்டாக நடைபெறும் இவ்விழாவை ஒட்டி வருகிற ஜனவரி 2ம் தேதி முதல் ஜனவரி 9ம் தேதி வரை பல்வேறு நிகழ்ச்சிகளுக்கு ஏற்பாடு செய்யப்பட்டுள்ளது.